Din ishlari boʻyicha qoʻmita raisi Sodiqjon Toshboev Umra litsenziyasi uchun 1 million dollar miqdoridagi mablagʻni depozitga qoʻyish talabini yoqlab chiqdi. «Bu katta miqdor emas… Oʻsha 15 ming kishi bilan muammo boʻlganida, qoʻyilgan 100 ming dollarga 100 kishini ham qaytarib olib kelishga imkoniyatimiz yoʻq edi», — dedi Diniy qoʻmita vakili. U Umra ziyoratiga mustaqil borish haqida ham maʻʻlumot berdi.

Oʻzbekiston hukumati “Umra” faoliyatini tashkil etish va oʻtkazish boʻyicha talablarni kuchaytarishga qaratilgan qarorni qabul qildi. Unga koʻra, ushbu faoliyatni olib boruvchi tadbirkorlarga voyaga etmagan fuqarolarga xizmat koʻrsatmaslik, 1 mln AQSh dollari miqdordagi mablagʻni “Ziyorat” jamgʻarmasiga zaxira qilib qoʻyish hamda oʻz faoliyatini turoperator va turagentlar orqali amalga oshirmaslik kabi talablar qoʻyildi.

Din ishlari boʻyicha qoʻmita ekstremizm va terrorizm gʻoyalari bilan yoʻgʻrilgan deb topilgan va Oʻzbekistonga olib kirish, tayyorlash, tarqatish va namoyish etish taqiqlangan Telegram, YouTube kanallar, Facebook, OK.RU, Instagram, TikTok sahifalar va saytlar roʻyxatini yangiladi. Roʻyxatda taqiqlangan kitob va nashidalar ham oʻrin olgan.