Rossiya Mudofaa vazirligining maъlum qilishicha, oʻquv mashgʻulotlari 15–21 iyulь kunlari “Termiz” poligonida boʻlib oʻtadi. Harbiy boʻlinmalar chegara hududlariga noqonuniy qurolli tuzilmalar kirib kelgan taqdirda ularni aniqlash va yoʻq qilish, dushmanning kichik guruhlariga qarshi urushish va boshqa mashqlarini bajaradi. Rossiya harbiy kontingentining asosiy qismini Tojikistonda joylashgan 201-harbiy bazasi boʻlinmalari tashkil etadi.

Mudofaa vazirligi Chirchiq togʻ poligonida MDH davlatlari boʻyicha "Makarov" pistoleti va "Kalashnikov" avtomatidan oʻq otish boʻyicha xalqaro musobaqa boʻlib oʻtganini maʻʻlum qildi. Rossiya, Belarusʻ, Qozogʻiston, Qirgʻiziston hamda Tojikiston davlatlari vakillari ishtirok etgan musobaqada oʻzbekistonlik harbiylar gʻolib deb topilgan.

Iroqdagi Abu Gʻrayb qamoqxonasining omon qolgan sobiq mahbuslari 20 yil muqaddam oʻzlarini shafqatsiz va gʻayriinsoniy tarzda qiynoqqa solgan, jinsiy zoʻrlagan amerikalik harbiylarni sudga berish imkoniga ega boʻldi.