Saida Mirziyoeva prezident administratsiyasi rahbari, Komil Allamjonov esa unga maslahatchi boʻldi
Prezident Shavkat Mirziyoevning farmoni bilan, prezident administratsiyasi tuzilmasida administratsiya rahbari lavozimi tashkil qilindi.
Shuningdek, administratsiya rahbari lavozimiga prezidentning qizi va yordamchisi Saida Mirziyoeva tayinlandi. U 2023 yil 25 avgustidan buyon davlat rahbarining yordamchisi lavozimida ishlab kelayotgandi.
Prezident administratsiyasi axborot siyosati departamentining sobiq rahbari Komil Allamjonov esa Saida Mirziyoevaning mustaqil maslahatchisi lavozimini egalladi. U Mirziyoevaga investitsiya, soʻz erkinligi va mustaqil OAVni qoʻllab-quvvatlash boʻyicha maslahat beradi.
Eslatib oʻtamiz, 2023 yil avgust oyida Shavkat Mirziyoev Prezident administratsiyasining yangi tuzilmasini tasdiqlagandi. Unga koʻra, prezident administratsiyasi rahbari lavozimi bekor qilinib, 2 ta yangi prezident yordamchisi lavozimi joriy etilgan.
Shu munosabat bilan Sardor Umurzoqov Prezident administratsiyasi rahbari lavozimidan ozod etilgandi. U davlat rahbarining maxsus topshiriqlar boʻyicha maslahatchisi lavozimiga tayinlangan.
Mavzuga aloqador
-
Qibrayda Komil Allamjonovning avtomashinasi oʻqqa tutilishi ortidagi mojarolar hamon tingani yoʻq. Vaziyatga hatto Checheniston rahbari Ramzan Qodirovning shaxsan oʻzi aralashdi. U mazkur suiqasdni uyushtirishda "qoʻli yoʻqligi", mabodo aralashadigan boʻlsa "ishni oxirigacha etkazishi va 100% natijaga erishishi"ni ham qoʻshimcha qildi. Oxirgi paytda Rossiya prezidenti Vladimir Putinning "xizmatkorlari" Oʻzbekistonning ichki ishlariga tap tortmasdan aralashayotgani bizni xavotirga solishi kerak emasmi? Ularni tiyib qoʻyadigan payt kelmadimikin?
