Qoʻqonda maxsus xonalarda qimor oʻyini tashkil etilgani aniqlandi
Qoʻqon shahrining Degrezlik mahallasi hududida maxsus tayyorlangan xonalarda qimor oʻyini tashkil etilgani aniqlandi. Bu haqda Fargʻona viloyati IIB matbuot xizmati xabar berdi.
Tekshiruvda 10 nafar oʻyin ishtirokchisi va 1 nafar tomoshabin qimor oʻyinida ishtirok etgani maъlum boʻldi. Oʻyinlarda “shashqol” otilib, har bir oʻyinga 5 000–10 000 soʻm miqdorida pul tikilgan.
Tadbir davomida jami 4 mln 128 ming soʻm pul mablagʻi, 14 dona stakancha, 2 dona “shashqol” oʻyini uchun moʻljallangan surup daliliy ashyo sifatida olingan.
Holat yuzasidan qoʻshimcha surishtiruv harakatlari olib borilmoqda, deyiladi xabarda.
Mavzuga aloqador
-
Andijon tumanida yashovchi shaxs yashash xonadonida tavakkalchilikka asoslangan noqonuniy qimor oʻyini tashkil qilgani fosh etilgan. Voqea joyidan 4 mln 535 ming soʻm pul hamda 300 AQSh dollari, 4 dona hayvon suyagidan yasalgan oshiq, shuningdek, oʻyin tashkillashtirilgan xonadon egasidan 550 ming soʻm choʻtal puli daliliy ashyo sifatida olib qoʻyilgan.
