Qirgʻizistonda “Kemin Siti” nomli yangi ekologik shahar barpo etiladi
Qirgʻizistonda “Kemin Siti” nomli yangi ekologik shahar barpo etiladi
Qirgʻiziston hukumati mamlakatda ekologik toza va zamonaviy shahar barpo etishga qaror qildi. Respublika prezidenti Sadir Japarov bu boradagi tegishli farmonni imzoladi, deb xabar beradi RIA Novosti.
Loyiha Chuy viloyatining Kemin tumanida amalga oshiriladi va yangi shahar "Kemin Siti" deb nomlanadi. Prezident qaroriga muvofiq, davlat idoralari yoz fasli boshlanguniga qadar 350 gektardan ortiq er maydoni ajratilgan holda shahar kontseptsiyasini tayyorlashi kerak.
Maʻʻlumotlarga koʻra, “Kemin Siti” ekologik toza va energiya tejamkor texnologiyalar asosida quriladi. Loyiha doirasida yashil energetika, zamonaviy infratuzilma va innovatsion transport tizimlarini joriy etish rejalashtirilgan.
Yangi shaharning qurilishi Qirgʻiziston iqtisodiyotiga va shaharsozlik rivojiga muhim taʻʻsir koʻrsatishi kutilmoqda. Hukumat yangi shahar nafaqat mahalliy aholi, balki investorlar va sayyohlar uchun ham jozibador boʻlishini taʻʻkidlamoqda.
Soʻnggi yillarda Qirgʻiziston hukumati shaharsozlik va infratuzilmani rivojlantirish boʻyicha bir qator loyihalarni amalga oshirmoqda. “Kemin Siti” loyihasi bu yoʻnalishdagi eng katta tashabbuslardan biri boʻlishi mumkin.
Eslatib oʻtamiz, avvalroq Qirgʻiziston parlamenti deputati havo ifloslanishi va tirbandlik muammolarini hal qilish maqsadida poytaxtni Issiqkoʻl viloyatiga koʻchirish taklifini ilgari surgandi.
Mavzuga aloqador
-
Qozogʻiston parlamenti Xitoy bilan Transkaspiy xalqaro transport yoʻnalishini rivojlantirish toʻgʻrisidagi bitimni ratifikatsiya qildi. Kelishuv tufayli Xitoydan Evropaga yuk tashishning umumiy tezligi hozirgi 19-23 kundan 12-13 kungacha qisqaradi.
-
Toshkentda “Islom – ezgulik va tinchlik dini” mavzusidagi nufuzli xalqaro anjuman boshlandi. Anjumanda dunyoning 22 mamlakatidan 70 nafardan ortiq nufuzli xalqaro tashkilotlar rahbarlari, din arboblari, muftiylar va taniqli ulamolar, xususan, zamonamizning mujtahid olimlaridan shayx Muhammad Taqiy Usmoniy, shayx Muhammad Avvoma, Nazir Muhammad Ayyod, Arshad Madaniy ishtirok etmoqda.
