Japarov Evropa davlatlari va AQShni Afgʻonistonning amaldagi hukumatini tan olishga chaqirdi
Qirgʻiziston prezidenti Sadir Japarov Evropa davlatlari va Qoʻshma Shtatlarni Afgʻonistonning "Tolibon" vakili boʻlgan amaldagi hukumatini tan olishga va “muzlatilgan” aktivlarni qaytarishga chaqirdi.
Bu haqda Qirgʻiziston rahbari Turkiyaning TRT telekanaliga bergan intervʻyusida maʻʻlum qildi.
“Oʻzingizga maʻʻlumki, 2021 yilda Afgʻonistonda “Tolibon” harakati etakchilari hokimiyat tepasiga keldi. Ular bugungi kungacha mamlakatni boshqarishda davom etmoqdalar. Biz istaymizmi yoki yoʻqmi, fakt oʻzgarishsiz qolmoqda – mamlakatni "Tolibon" boshqaradi. Buni inkor etib boʻlmaydi. Bir qator davlatlar, jumladan biz ham "Tolibon"ni taqiqlangan tashkilotlar roʻyxatidan chiqarib tashladi”, — dedi Japarov.
Shuningdek, u afgʻon xalqi uzoq yillardan buyon urush va uning oqibatlaridan azob chekib, qiyinchiliklarni boshidan kechirayotganini taʻʻkidladi.
“Afgʻoniston bilan toʻgʻridan-toʻgʻri chegaramiz boʻlmasa-da, bu qoʻshni davlatimizga tegadi. Shuning uchun u erdagi vaziyatning yomonlashuvi bizni maʻʻlum darajada xavotirga solmoqda”, — dedi prezident.
Mavzuga aloqador
-
AQSh Davlat departamenti maʻʻlumotiga koʻra, Asad rejimiga bogʻliq aktivlar qiymati 12 milliard dollargacha etadi. Ekspertlarning taʻʻkidlashicha, Asad rejimi hokimiyatni saqlab qolish bilan bir vaqtda "B" rejasi – qonuniy yoki noqonuniy yoʻllar bilan boyliklarni chet elga oʻtkazish uchun tayyorgarlik koʻrgan.
-
2025 yilning I choragida Oʻzbekistonning yalpi tashqi qarzi 68,4 mlrd dollarga etgan. Iqtisodchi Mirkomil Xolboevning tahlil qilishicha, joriy yilning birinchi choragida yalpi tashqi qarz boʻyicha jami foiz toʻlovlari 881 mln dollarni tashkil etib, 2024 yilning mos davriga nisbatan 12,4 foizga yoki 98 mln dollarga oshgan.
