Fuqarolarning xavfsiz deportatsiyasi uchun AQSh bilan hamkorlik qilinmoqda – Oʻzbekiston TIV
Fuqarolarning xavfsiz deportatsiyasi uchun AQSh bilan hamkorlik
qilinmoqda – Oʻzbekiston TIV
Oʻzbekiston
Tashqi ishlar vazirligi AQShdan turli davlatlarga deportatsiya qilinayotgan fuqarolar
xavfsizligini taъminlash uchun Amerika bilan hamkorlik qilinayotganini bildirdi. Jumladan,
Amerika tomoniga Kosta Rika va Panamaga yuborilayotgan oʻzbekistonliklar haqida
maъlumot soʻrab murojaat qilingan.
Oʻzbekiston Tashqi ishlar vazirligi AQShda noqonuniy boʻlib
turgan fuqarolarni vatanga xavfsiz deportatsiya qilishda Amerika tegishli
huquq-tartibot idoralari bilan yaqindan hamkorlik qilib kelmoqda, deya maъlum
qildi TIV matbuot kotibi Axror Burxanov.
Uning taъkidlashicha, ikki tomonlama kelishuvlarga asosan, AQSh
deportatsiya qilinadigan oʻzbekistonliklarning har bir holati haqida tezkorlik bilan
xabardor qiladi. Fuqarolar esa, oʻrnatilgan amaliyotga muvofiq, vatanga Nьyu
York-Toshkent yoʻnalishi orqali qaytadi.
TIV, shuningdek, soʻnggi kunlarda OAVda eъlon qilingan
Oʻzbekiston fuqarolarining AQShdan Lotin Amerikasi davlatlariga, xususan, Panama
va Kosta Rikaga deportatsiya qilinishi mumkinligi haqidagi xabarlarga izoh berdi.
Diplomatik vakolatxonalarimiz Amerika tomoniga
oʻzbekistonliklarning boshqa davlatlarga deportatsiya qilinishi mumkinligi haqida
maъlumot berishni soʻrab murojaat qildi, deb yozdi Burxanov.
Uning qoʻshimcha qilishicha, bu borada Lotin Amerikasi davlatlari
bilan ham diplomatik kanallar orqali aloqalar oʻrnatilgan.
Eslatib
oʻtamiz, 20 fevralь kuni AQSh chegarasini noqonuniy kesib oʻtgan 200 nafar muhojir (Markaziy Osiyo va
Hindiston fuqarolari) Kosta Rikaga joʻnatilgandi. Kosta Rika hukumati jarayon toʻliq AQSh hukumati
tomonidan moliyalashtirilishi va BMT huzuridagi Xalqaro migratsiya tashkiloti
nazorati ostida amalga oshirilishini maъlum qildi.
Avvalroq
ijtimoiy tarmoqlarda AQSh noqonuniy muhojirlarni qoʻl-oyoqlarini kishanlagan holda
samolyotlarga chiqarayotgani aks etgan videolar tarqalgandi.
Mavzuga aloqador
-
Qirgʻiziston prezidenti Sadir Japarov Evropa davlatlari va Qoʻshma Shtatlarni Afgʻonistonning "Tolibon" vakili boʻlgan amaldagi hukumatini tan olishga va “muzlatilgan” aktivlarni qaytarishga chaqirdi. "Istaymizmi yoki yoʻqmi, mamlakatni "Tolibon" boshqaradi. Buni inkor etib boʻlmaydi. Bir qator davlatlar, jumladan biz ham "Tolibon"ni taqiqlangan tashkilotlar roʻyxatidan chiqarib tashladik”, — dedi u.
-
Saudiya Arabistoni Haj va Umra vazirligi Oʻzbekiston uchun haj kvotasi 15 ta etib belgilanganini maъlum qildi. Bir necha yil oldin ham ayni shu vazirlik rahbari Oʻzbekiston prezidenti bilan uchrashuvda mamlakatga ajratilgan kvota miqdori 24 ming ekanini aytgandi.
