Tramp Isroilni qoʻllab-quvvatlovchi shaxsni Din ishlari boʻyicha idora rahbari etib tayinladi
AQSh prezidenti Donald Tramp Din ishlari boʻyicha yangi idorani tashkil etish haqidagi farmonni imzoladi. Bu idoraga pastor va mashhur televangelist Paula Uayt rahbar etib tayinlandi.
Paula Uayt Isroilni ochiqdan-ochiq qoʻllab-quvvatlashi bilan tanilgan shaxslardan biri boʻlib, u oʻz vaъzlarida Isroilni “Xudoning tanlangan xalqi” deb atagan. Shuningdek, u Quddusdagi Al-Aqso masjidi oʻrnida “Uchinchi ibodatxona” qurilishini qoʻllab-quvvatlagani bilan ham mashhur.
Maъlumotlarga koʻra, Tramp maъmuriyatida Isroil manfaatlarini himoya qiluvchi shaxslar yuqori lavozimlarga tayinlanmoqda. AQShning Isroildagi elchisi lavozimiga Arkanzas shtati sobiq gubernatori Mayk Xakkabi nomzodi koʻrib chiqilmoqda, u Gʻarbiy Sohilning Isroil tomonidan annektsiya qilinishini qoʻllab-quvvatlaydi.
Shuningdek, Pentagon rahbarligiga nomzod Pit Xegset ham avvalgi chiqishlarida Quddusda yahudiy ibodatxonasi tiklanishi kerakligini aytgan.
Tramp 2018 yilda AQSh elchixonasini Tel-Avivdan Quddusga koʻchirgan, bu esa xalqaro miqyosda katta bahs-munozaralarga sabab boʻlgan edi. Uning Isroil bilan yaqin munosabatlari yangi maъmuriyat davrida ham davom etmoqda.
Tramp maъmuriyatida Isroil bilan bogʻliq masalalar boʻyicha shov-shuvli qarorlar qabul qilinishda davom etmoqda.
Mavzuga aloqador
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
-
Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi.
