Isroilning raketa hujumiga qarshi mudofaa tizimi engib boʻlmas darajada emas – The Guardian

Britaniyaning The Guardian nashri tahlilchisi Endryu Rotning maqolasida Tehronning yaqinda amalga oshirgan raketa hujumi Isroil mudofaa tizimi engib boʻlmas darajada emasligi tilga olindi. “Asosiy fakt shuki, Eron istasa, Isroilga jiddiy zarba bera olishini isbotlagan”, - deyiladi maqoladi.

Tehronning yaqinda amalga oshirgan raketa hujumi tahlili Isroilning raketa hujumiga qarshi mudofaa tizimi engib boʻlmas darajada emasligini koʻrsatadi. Isroil tuyulganidan koʻra himoyasizroq, deb yozadi Britaniyaning The Guardian nashri muxbiri Endryu Rot.

Sunʻʻiy yoʻldoshdan olingan suratlar va ijtimoiy tarmoqlardagi materiallarda Eron raketalari Negev choʻlidagi Nevatim aviabazasiga birin-ketin urilgani va ikkinchi darajali portlashlarga sabab boʻlgani qayd etilgan.

Bu shuni koʻrsatadiki, Isroilning "Temir gumbaz" va «Oʻq» havo hujumiga qarshi mudofaa tizimlari yuqori samaradorlikka ega boʻlishiga qaramay, Eronning zarbalari ilgari tan olinganidan koʻra muvaffaqiyatliroq boʻlgan.

Kadrlarni tahlil qilgan mutaxassislar aviabazada kamida 32 ta toʻgʻridan-toʻgʻri zarbalar berilganini qayd etgan.

“Bunday zarbalar Bazan guruhining neftni qayta ishlash zavodlari kabi qimmatli nishonlarga qarata berilganida, halokatli taʻʻsir koʻrsatishi, ekologik falokatga ham olib kelishi mumkin edi”, - deyiladi maqoladi.

“Asosiy fakt shuki, Eron istasa, Isroilga jiddiy zarba bera olishini isbotlagan”, - deydi CNA tadqiqot guruhi tahlilchisi Dekker Evelet.

Uning qoʻshimcha qilishicha, havo bazalari murakkab nishonlar boʻlib, koʻp qurbonlar keltirmaydi. Biroq Eron boshqa nishonlar, masalan, Isroil quruqlikdagi kuchlari zich joylashgan baza yoki turar-joy hududidagi obʻʻektlarni ham tanlashi mumkin va bunday raketa hujumi sezilarli miqdordagi qurbonlarga olib kelishi mumkin.

Isroil uchun yana bir muammo - Eron bilan uzoq davom etgan oʻzaro zarbalarning iqtisodiy oqibatlari. Isroilning havo hujumidan mudofaa taʻʻminoti qimmat va cheklangan, bu esa mojaro davom etar ekan, mamlakatni Eron zarbalariga nisbatan himoyasiz holga keltirishi mumkin.

"Isroil Eronga zarba berishga tayyorligini allaqachon oshkora tasdiqlaganini inobatga olsak, ushbu raketa almashinuvi oxirgi marta sodir boʻlmaganidan darak beradi", - deya xulosa qiladi Evelet.

U Eron bilan ziddiyat uzoq davom etadigan boʻlsa, bunday raketa almashinuvlari uzoq muddatda Isroil uchun barqarorlikka tahdid boʻlishi mumkinligi haqida ogohlantirdi.

Mavzuga aloqador

Eng ko‘p o‘qilgan

Tavsiya qilingan