Greta Tunberg endi koʻproq kemalar bilan Gʻazoga bormoqchi
Shvetsiyalik ekofaol Greta Tunberg yana oʻnlab kemalar bilan Gʻazoga bormoqchi. Bu safar u isroilning noqonuniy blokadasini buzib oʻtish boʻyicha yirik harakat boshlanganini maъlum qildi.
“31 avgust kuni biz tarixdagi eng yirik urinishni amalga oshiramiz – Ispaniyadan joʻnab ketayotgan oʻnlab kemalar yordamida noqonuniy isroil blokadasini yorib oʻtishga harakat qilamiz. 4 sentyabrь kuni esa Tunis va boshqa portlardan chiqib kelayotgan yana oʻnlab kemalarni kutib olamiz”,
degan u.
Maъlumot uchun, iyunь oyida Greta Tunberg, Evroparlament deputati Rima Hassan va boshqalardan iborat koʻngillilar jamoasi qamal ostidagi falastinliklarga insonparvarlik yordami etkazish uchun Sitsiliyadan Gʻazoga qarab kemada yoʻlga chiqqandi. Lekin kutilganidek, ularni isroil armiyasi qoʻlga oldi. Tashabbuskor "Ozodlik flotiliyasi" koalitsiyasi yaxta xalqaro suvlarda hujumga uchragani haqida bayonot berdi.
Mavzuga aloqador
-
Rossiyaning rad javobiga qaramay, Damashq Moskva bilan aloqalarni uzmoqchi emas. Suriya etakchisining aytishicha, mamlakat armiyasining aksariyat qurollari Rossiyada ishlab chiqarilgan va Kremlь bilan oziq-ovqat hamda energiya taъminoti borasida hamkorlik kelishuvlari mavjud.
-
Buyuk Britaniya tashqi ishlar vaziri Devid Lemmi Isroilning Gʻazoga hujumlarida tinch aholi orasida qurbonlar soni ortib borayotganini “dahshatli” deb baholadi. U mojaroni toʻxtatish va gumanitar yordamni oshirishga chaqirdi. Parlamentdagi chiqishida esa Isroilning 15 kundan beri yordam etkazilishini toʻsib kelayotganini xalqaro huquq buzilishi sifatida taъkidladi.
