AQSh Yamanning yoqilgʻi portini nishonga oldi: kamida 58 kishi halok boʻldi
AQSh harbiylari 17 aprelь kuni Yamanning Ras Isa portiga havo hujumi uyushtirdi. Husiylarga qarashli OAVning xabar berishicha, zarba oqibatida kamida 58 kishi halok boʻlgan, 126 dan ortiq odam jarohatlangan.
Ras Isa — mamlakatdagi asosiy yoqilgʻi porti hisoblanadi va uning nishonga olinishi Yaman aholisining kunlik ehtiyojlarini taъminlashda ogʻir oqibatlarga olib kelishi mumkin.
AQSh Markaziy qoʻmondonligining bayonotiga koʻra, bu operatsiya Husiylarning Qizil dengizdagi hujumlarida foydalanilayotgan infratuzilmalarni yoʻq qilish maqsadida amalga oshirilgan.
Ammo port infratuzilmasining vayron qilinishi uzoq yillardan beri blokadada yashayotgan Yamandagi gumanitar inqirozni yanada chuqurlashtirishi mumkin.
Mavzuga aloqador
-
Yaman Qurolli Kuchlari Qizil dengizda AQShning USS Harry Truman avia tashuvchi kemasi va uning eskort kemalariga qarshi yirik hujum uyushtirganini eъlon qildi. Bu harakat Vashingtonning Yamanga qarshi havo zarbalaridan keyingi javob sifatida baholanmoqda. 18 ta ballistik va qanotli raketalar, dronlar va dengiz boʻlinmalari orqali amalga oshirilgan ushbu hujum mintaqadagi keskinlikni yanada kuchaytirishi mumkin. Yaman armiyasi barcha Amerika harbiy kemalarini nishonga olishni davom ettirishini maъlum qildi.
