Ahmat Qodirov fondi Gʻazodagi ogʻir yarador bolaga yordam koʻrsatdi
Ahmat Qodirov nomidagi fond Isroil bombardimoni oqibatida ogʻir tan jarohati olgan gʻazolik bolaga moliyaviy va gumanitar yordam koʻrsatdi. Bu haqda «Grozniy-inform» Falastin xayriya tashkilotiga tayanib xabar berdi.
Gap shundaki, bola yashagan uy bosqinchi isroil harbiy-havo kuchlari tomonidan nishonga olingan edi.
Portlash toʻlqini yosh bolani qoʻshni tomga uloqtirgan, buning oqibatida u ogʻir tan jarohati olgan edi.
Bolaning oila aъzolari taqdiri esa nomaъlumligicha qolmoqda. Voqea aks etgan suratlar xalqaro OAVlarda tarqalib, koʻpchilikning noroziliklariga sabab boʻlgandi.
Shuningdek, fond tomonidan bolaning davolanishi uchun mablagʻ ajratilgan hamda uning birlamchi ehtiyojlari taъminlangan. Vakillar bolaga toʻliq sogʻayguniga qadar yordam koʻrsatishini bildirgan.
Mavzuga aloqador
-
Isroil armiyasi Gʻazoda bolalarni poliomielitga qarshi ommaviy emlashni toʻxtatdi. 600 mingdan ortiq bolaga moʻljallangan emlash kampaniyasi mart oyidan beri davom etayotgan Isroilning umumiy blokadasi tufayli oʻtkazilmayapti.
