Afgʻonistondagi yagona ayollar radiostantsiyasi qayta ishga tushiriladi
Afgʻoniston hukumati mamlakatdagi yagona ayollar radiosi boʻlgan "Radio Begum" radiosiga qoʻyilgan taqiqni bekor qildi, deya xabar bermoqda Associated Press.
Agentlikning eslatishicha, taqiq radiostantsiyaning qaysidir "xorijiy ruxsatsiz ommaviy axborot vositalari" bilan hamkorligi sababli tatbiq etilgan edi.
Afgʻoniston qonunchiligiga muvofiq ish olib borish majburiyatini olgan "Radio Begum" maъmuriyatining bir necha bor soʻrovlaridan soʻng mamlakat Madaniyat vazirligi eshittirishlarni qayta tiklashga ruxsat berdi.
"Radio Begum" 2021 yilda, Afgʻonistonda hokimiyat almashishidan bir necha oy oldin oʻz faoliyatini boshlagan.
Radiostantsiyaning oʻziga xos jihati shundaki, barcha kontent ayollar tomonidan yaratilgan. "Radio Begum"ga aloqador sunъiy yoʻldosh kanali "Begum TV" Frantsiyadan eshittirishlar olib boradi va afgʻon yoshlariga qaratilgan dasturlarni taqdim etadi.
Mavzuga aloqador
-
Rossiya Liberal-demokratik partiyasi Davlat Dumasiga patent asosida ishlayotgan migrantlardan 30% daromad soligʻi undirish taklifini kiritdi. Partiya rahbari bu chora byudjet daromadini oshirish va hududlar rivojiga hissa qoʻshishini taъkidlamoqda. Agar taklif qabul qilinsa, migrantlar uchun soliq yuki ikki baravarga ortadi.
-
Vladimir Putin AQShning Rossiyadagi aktivlarini musodara qilishga ruxsat berdi. Endilikda Rossiya sudlari Rossiyaning AQShdagi aktivlarini musodara qilish natijasida etkazilgan zararni qoplash uchun mamlakatda joylashgan Amerika mulkini tasarruf etishi mumkin boʻladi.
