Hindistonda keksa aholi qarovsiz qolmoqda
Newsweek nashri Hindistonda keksa aholi bilan bogʻliq muammolarni oʻrganib, ularni hal qilish uchun choralar taklif etdi. Hindistondagi Aholishunoslik jamgʻarmasi direktori Punaam Mutrijaning aytishicha, 2056 yilga kelib, 65 yoshdan oshgan aholi 15 yoshgacha boʻlgan bolalar sonidan oshadi.
Asosiy muammolardan biri mehnatga layoqatli aholining qisqarishidir. Yoshlar keksa qarindoshlarini qoʻllab-quvvatlashi tufayli iqtisodiyotga bosim kuchayib, uning oʻsish surʻʻatlari sekinlashishi mumkin.
Shu bilan birga, keksalarning ijtimoiy chetlanishi kuzatilmoqda. Baʻʻzi oilalarda keksalar shafqatsiz munosabatga duchor boʻladi, hatto koʻchada qarovsiz qoldiriladi. Doktor JP Bxagatning maʻʻlum qilishicha, koʻpchilik keksalar ogʻir sharoitlarda yashashga majbur.
Qishloqlardagi bevalar va keksa ayollar koʻpincha mulksiz, daromadsiz va tibbiy yordamdan mahrum. Ularning iqtisodiy faolligi past boʻlgani muammolarni kuchaytiradi.
Janubiy shtatlarda (Kerala, Tamilnadu) boylik yuqori, tugʻilish darajasi past. Ammo shimoliy shtatlar (Bixar, Uttar-Pradesh) aholining haddan tashqari koʻpligiga duch kelmoqda.
Mutaxassislar echim sifatida bir qator tavsiyalarni ishlab chiqdi.
Unga koʻra, keksa aholi uchun ijtimoiy taʻʻminot tizimlarini rivojlantirish;
Ayollar uchun taʻʻlim, ish bilan taʻʻminlash va tibbiy yordamni yaxshilash;
Shimoliy shtatlarda taʻʻlim va sogʻliqni saqlash tizimini rivojlantirish;
Janubiy mintaqalarda keksa aholiga gʻamxoʻrlik tizimlarini kuchaytirish.
Mutrijaning aytishicha, agar Hindiston inson kapitaliga sarmoya kiritmasa, demografik dividenddan mahrum boʻlishi mumkin.
Mavzuga aloqador
-
HAMASning Gʻazo shimoli va markazidagi harbiy batalʻonlari oʻn oylik Isroil hujumlariga qaramasdan, jangovar salohiyatining bir qismini tikladi. Tegishli maʻʻlumotlar Urushni oʻrganish instituti, Amerika tadbirkorlik institutining “Kritik tahdidlar” loyihasi va CNN qoʻshma hisobotida keltirilgan.
-
Ekvadorda "ichki qurolli toʻqnashuv" holati eʻʻlon qilinganidan buyon jinoiy toʻdalarning 1534 nafar aʻʻzosi qoʻlga olindi. Bundan tashqari, amaliyotlar doirasida qurolli shaxslar tomonidan ushlab turilgan 11 nafar militsiya xodimi ozod qilinib, 575 dona oʻqotar qurol va 478 dona qoʻlbola portlovchi moddalar, shuningdek, 5,6 tonnaga yaqin narkotik moddalar musodara qilingan.
